PUNGUAN POMPARAN NI OMPUNTA MALAU GURU

                                       BORU DOHOT BERE         

Se-Jabodetabek - Nahumaliangna

Susunan Pengurus Punguan Parsadaan Ompunta Malau Guru

Boru dohot Bere

Se-Jabodetabek Nahumaliangna

Periode 15 - Sept - 2012 S/D 15 - Sept - 2015

Penasehat / Paniroi            : Jusin Malau (Op. Elsa) - Jambi

                                                  Mangara Malau (Op. Hezekiah) –P.Baru                    

                                                  Parasian Malau (Op. Yosavat) - Tangerang

                                                  Huntal Malau (Op. Naniulibasa) – Aek Kanopan

                                              Jamulia Malau,MBA(Amani Frengky)-P.Siantar          

Ketua                                     : Listen  Malau, SE  ( Amani Merry Malau )

Wakil Ketua                        : Dr. Tunggul Malau ( Amani Bukit  Malau )

Sekertaris                             : Yachop H. Malau, SE ( Amani Ricky Malau )

Bendahara                            : Ny.Sibarani Br.Malau ( Amani Mulia )

Koordinator Wilayah        : Simson Malau ( Amani Devid ),Dahlan Malau      

                                              (Amani Rince Malau),  Munthe

                                               Hariyanto Malau (Amani Valentino )

Seksi Kerohanian              : Pdt.Karimuda Malau,Pdt.  Sibarani

                                                St.Ny.Sianipar Br Malau,P.Malau

Seksi Sosial                         : Simson Malau Amani Devid )  

Seksi Paradaton                 : Parasian Malau ( Op.Yosavat ),Monang Malau

                                               ( Amani Mando)

                                               Sihar Malau,SH ( Amani Boston),Humisar    

                                               Malau  (Amani Aldo ),Haryanto Malau (Amani   

                                               Valentino )                                            

      

HATA HUHUASI SIAN PENGURUS

Mauliate ma di Amanta Debata Pardenggan basa nasumurung disiala asi dohot holong ni rohana dos roha ni angka pomparan ni Ompunta Malau Guru Se-Jabodetabek Nahumaliangna.

Mansai porlu do angka komunikasi dihita tujoloan on, ingkon adong ma haojahon namanangkas do pomparan ni ompunta ima sada Punguan. Ringkot ni Punguan on ima songon hasadaon ni angka anggota namardongan tubu marboru, marbere, dohot nalaho mangaruhuti holong no roha namarsiurupan diulaon las ni roha tarlumobima diulaon arsak ni roha.

Tu hita sude ruas ni Punguanta , tung tama do hami mandok mauliate sian ias ni roha dohot pambaenan muna tu parsadaan on, ndang boi tupa antong Punguan on ianggo so alani haradeon ni roha muna dohot pambaenan muna, tarlumobi angka partisipasi muna  tu Punguanta berupa moril dohot materiil.

Anggiat ma antong sai lam ditambai Tuhanta di hita ganup angka holong ni roha, habisuhon, hapistaran, hahipason dohot hasiadongan tu joloan ni ari on, asa anggiat lam tarbahen hita manambahi balga ni partisipasinta tu Punguan on diangka ari namangihut, asa lam tu balgana jala lam tu majuna Punguanta on.

Tarsongoni majolo hata huhuasi sian Pengurus, sai anggiat ma antong Punguanta on gabe sada Punguan sitiruon ni angka jolma nabisuk ala denggan do taulahon, jala bahen sangap goar ni Tuhanta. Horas ma dihita sasudena !

Jakarta, 15 Sept 2012

Punguan Parsadaan Ompunta Malau Guru, Anak, Boru dohot Bere

Ketua                                             Wakil Ketua                                   Sekretaris

Listen Malau, SE                         dr. Tunggul Malau                       Yachop.H.Malau,SE

  Amani Merry                                  Amani Bukit                                Amani Ricky               

ANGGARAN DASAR

  

Parsadaan Pomparan Malau Guru

Jabodetabek - Nahumaliangna

BAB I

GOAR, TINGKI DOHOT INGANAN

Pasal 1

Punguan On Digoari Parsadaan Pomparan Malau Guru, Boru,Bere dohot Ibebere

Se-Jabodetabek – Nahumaliangna

Pasal 2

Punguan on mencakup wilayah Jabodetabek (Jakarta, Bogor, Depok Tangerang, Bekasi) nahumaliangna.

BAB II

OJAHAN DOHOT SANGKAP

Pasal 3

Punguan on marojahan do tu holong ni roha (kasih) dohot tahi laho mangulahon angka paradaton natinonahon ni ompunta sijolo-jolo tubu dohot na tinolopan gabe sisada roha, sisada ulaon jala sisada pangkilalaan sude ruas ni parsadaan on, marsiurupan di las ni roha jala marsitungkol-tungkolan diangka arsak ni roha tarlumobi di pangarantoan on.

Pasal 4

Punguan on marsangkap do laho pahothon huhut patoguhon hasadaan ni sudena pomparan ni Omputa Malau Guru asa marsiurupan di angka ulaon na hombar tu adat ni hita halak Batak jala laos pasadahon dohot marsitandaan huhut pajumpang bohi diangka tingki nanaeng ro jala asa adong laho manogu-nogu dohot mangaradoti jala mangajari angka anak, boru dohot bere tu generasi nanaeng ro.

BAB III

RUAS

Pasal 5

Ia natermasuk gabe ruas manang anggota ni Punguan on ima sude Pomparan ni Ompunta Malau Guru: anak, boru ,bere,ibebere namaringanan di Jabodetabek Nahumaliangna.

BAB IV

HAK DOHOT KEWAJIBAN NI RUAS

Pasal 6

1. Ganup do ruas manang anggota ni Punguan on marhak mamillit dohot dipillit gabe pengurus ni parsadaan on dohot mangadopi rapot godang dohot rapot pengurus na pinatupa ni pengurus.

2. Ganup do ruas mamboto keadaan ni kas manang parhepengon ni Punguan, jala marhak do  manjalo pangurupion sian parsadaan songon naung tinontuhon ni Punguan.

3.Hak ni ruas na marhadohoan tu pangurupion sian punguan di siala ulaon habot ni roha manang silas ni roha, dipapatar di Anggaran Rumah Tangga.

Pasal 7

1. Ganup ruas ingkon pasangaphon dohot manjungjung tinggi goar ni Punguan.

2.  Ganup ruas ingkon tunduk tu Anggaran Dasar dohot Anggaran Rumah Tangga ni Punguan.

3.  Mangoloi dohot mandalanhon sude keputusan ni rapot pengurus dohot rapot godang

4.  Pasahathon angka barita namasa dohot aktif mangadopi angka ulaon di ruas ni Punguan tarlumobi di angka namarsitaonon.

5.  Manasoi angka ruas naso aktif manang naso tardaftar dope tu Punguan, jala aktif laho mandohoti rapot godang napinatupa ni pengurus.

6.   Asa tertib administrasi ingkon paboahon manang pasahatton tu pengurus molo pindah alamat.

7.   Ganup ruas manggarar uang pangkal, guguan / iuran ganup bulan dohot sumbangan na asing natinontuhon ni pengurus.

BAB V

HAPANGURUSON

Pasal 8

1.   Punguan ni uluhon ni Pengurus harian ima: Ketua, Wakil Ketua, Sekertaris, Bendahara, dohot Koordinator Wilayah, Seksi Kerohanian, Seksi Sosial, Seksi Adat.

2.  Periode kepengurusan 3 (tolu) taon

3.  Ketua menjabat nalumeleng holan 2 (dua) periode

BAB VI

PARARTAON DOHOT PEMBUBARAN

Pasal 9

1.   Arta ni Punguan on marhororoan sian:

a. Uang Pangkal sian ruas

b. Uang Guguan bulanan ni ruas

c.  Uang sumbangan dohot naasing naso maralo tu Anggaran Dasar dohot Anggaran Rumah Tangga

     f.Persembaha

BAB VII

RAPOT-RAPOT

Pasal 10

Dua ( 2 ) macam rapot ni Punguan :

   1. Rapot godang ima napinamasa sahali sataon diganup bonataon

2. Rapot pengurus ima napinamasa atas pangidoan ni pengurus

BAB VIII

PARHEPENGON

Pasal 11

Sumber

Ia parhepengon ni parsadaan on mar sumber do sian :

1.  Uang pangkal sian ruas/anggota.

2.  Uang iuran bulanan.

3.   Sumbangan sukarela/donator.

                                            4. Persembahan

BAB IX

PAROBAHAN ANGGARAN DASAR

Pasal 12

Anggaran Dasar on boi do ubaon molo ditolopi dua partolu (2/3) sian ruas ni Punguan di rapot godang i.

BAB X

STRUKTUR PENGURUS PUNGUAN

Pasal 13

Struktur ni Parsadaan Pomparan Ompu Malau Guru Se Jabodetabek- Nahumaliangna    songonon ma :

1.  Penasehat / Pelindung ni Parsadaan

2.   Pengurus ni Parsadaan ima :

a.  Ketua

b. Wakil Ketua

c.    Sekertaris

d. Bendahara

e.  Koordinator Wilayah

f.  Seksi Kerohanian

g.  Seksi Sosial

h. Seksi Adat

3.  Pengurus harian ima : pengurus lengkap

BAB XI

HAPANGURUSON DOHOT LELENGNA

Pasal 14

1.  Pangurus Parsadaan ni Ompu Malau Guru dipillit marhite rapot godang.

2.  Pangurus dipillit Team Formatur natinunjuk ni Dewan Penasehat.

3.  3 (Tolu) bulan sebelum masa kepengurusan berakhir, pangurus mengundang Dewan Penasehat laho mamillit Team Formatur kepengurusan naimbaru.

Pasal 15

Leleng ni hapanguruson naung dipillit, mangula ma saleleng 3 (Tolu) taon, taretong mai  sian mulai diojakkon jala ditotaphon gabe pangurus.

BAB XII

TUGAS DOHOT TANGGUNG JAWAB

Pasal 16

KETUA

Tugas dohot tanggung jawab ni ketua ima :

1.    Manghobasi dohot manguluhon sude ulaon ni parsadaan laho pasauthon angka sangkap na denggan dohot mangadopi/mangutus pangurus tu ulaon ni ruas manang parsadaan.

2.  Martanggung jawab disude pelaksanaan dohot patupahon huhut malaporhon hasil ni ulaon ni parsadaan dirapot godang sahali sataon.

Pasal 17

WAKIL KETUA

Tugas dohot tanggung jawab Wakil Ketua ima :

1.  Membantu ketua laho manghobasi dohot manguluhon sude ulaon ni parsadaan laho pasauthon angka sangkap na denggan dohot mangadopi/mangutus pangurus tu ulaon ni ruas/parsadaan

2.  Mangganti ketua molo ketua marhalangan mandalanthon tugas.

3.  Bekerja sama dohot ketua jala martanggung jawab dohot mandalanhon sude tugas naung ditontuhon di Anggaran Dasar dohot Anggaran Rumah Tangga.

4.  Martanggung jawab tu ketua disudena tugas nanidalanhonsa.

Pasal 18

SEKRETARIS

Tugas dohot tanggung jawab ni Sekretaris ima :

1.  Padalanthon administrasi/surat-surat ni parsadaan.

2.  Mambahen arsip surat masuk dohot surat keluar sian parsadaan.

3.  Martanggung jawab tu ketua disasude tugas nanidalanhonsa.

                                4. Notulen rapat

Pasal 19

BENDAHARA

Tugas dohot tanggung jawab ni Bendahara ima :

1. Patupahon pembukuan/administrasi ni parhepengon na masuk dohot na haruar sian kas parsadaan.

2.  Manjalo huhut mambukuhon sude uang pangkal, guguan/iuran dohot angka sumbangan naasing dohot melengkapi sude pengeluaran ni parhepengon na hombar tu Anggaran Dasar dohot Anggaran Rumah Tangga.

3.  Wajib patorangkon keadaan parhepengon ni parsadaan molo dipangido ruas manang pengurus ni parsadaan.

4.  Mambahen daftar inventaris barang/arta ni parsadaan jala martanggung jawab disude administrasi ni parsadaan.

5.  Martanggung jawab tu ketua disude tugas na nidalanhonsa.

Pasal 20

KOORDINATOR WILAYAH

Tugas dohot tanggung jawab ni Koordinator Wilayah ima :

1.  Manjalo dohot pasahathon tu ketua/pengurus sude boa-boa na pinasahat ni ruas/anggota huhut aktif manosoi dohot mangalehon saran tu ketua/pengurus parsadaan.

2.  Koordinator wilayah martanggung jawab ma tu :

a.  Bendahara, taringot tu parhepengon.

b. Sekretaris, taringot tu urusan ni ruas/anggota na tamba manang namoru nadikoordinasihonna.

c. Ketua, laho mangalehon saran manang pendapat.

Pasal 21

SEKSI-SEKSI

1.  Seksi mangkarejohon na tinugaskon ni pangurus.

2.  Godang ni seksi sesuai dohot perkembangan ni parsadaan.

Pasal 22

PENGURUS NAMARHALANGAN

1.  Molo pangurus marhalangan, sementara boi do tugas ni pangurus namarhalangan ni diandehon tu pangurus naasing marhite surat ni ketua manang rapat pengurus.

2.  Molo pengurus marhalangan tetap, diganti ma pangurus na marhalangan marhite rapot pengurus lengkap, manang boi do tugas ni pangurus namarhalangan ni dirangkap pangurus naasing marhite keputusan ni rapot pengurus.

BAB XIII

RUAS, SYARAT RUAS, DOHOT HARUAR

Pasal 23

RUAS NIPUNGUAN

1. Ruas nagok ima : anak, boru,bere dohot ibebere pomparan ni Ompunta Malau Guru naung hotripe,  manurut adat manang Agama, saotik-otikna manurut hukum catatan sipil, jala maringanan diwilayah Jabodetabek termasuk tubu na dohot anak angkat na sah secara adat manang hukum.

2. Ruas naposo bulung ima : anak, boru dohot bere pmparan ni Omputa Malau Guru naso marhot ripe, namaringan diwilayah Jaodetabek-nahumaliangna termasuk nasodison natua-tuana.

Pasal 24

PERSYARATAN NI RUAS

1.  Ganup ruas wajib mendaftarkan goarni amanta, inanta, anakkon dohot alamat lengkap di formulir.

2.  Ganup ruas manggarar uang pangkal, iuran dohot sumbangan sukarela melalui bendahara/koordinator wilayah.

3.  Ruas na so mampu, boi do bebas sian uang pangkal dohot iuran molo dipangido ruas, jala toho manurut partimbangan ni pengurus.

4.  Ruas naposobulung bebas sian uang pangkal dohot iuran bulanan, asing molo nionjar ni rohana be mangalehon sumbangan.

Pasal 25

HARUAR SIAN PUNGUAN

1.  Ruas ni parsadaan na pindah sian wilayah Jabodetabek dohot nahumaliangna.

2.  Dang aktif be mandohoti, kegiatan parsadaan selama 3 (tolu) taon jala dang adong boaboana tu pengurus.

3.  Ruas na monding.

BAB XIV

SAH NI RAPOT

Pasal 26

Asing sian naung diatur Anggaran Dasar dohot Anggaran Rumah Tangga on diatur ima:

1.  Rapot pangurus sah, molo dihadiri ½ + 1 jumlah ni pangurus.

2.   Haputusan nirapot sah, molo ditolopi ½ + 1 jumlah ni pangurus na ro dirapot pangurus.

3.  Rapot godang sah, molo di hadiri ½ sian sudena ruas na terdaftar jala tetap aktif sebagai ruas.

4. Haputusan rapot godang sah, molo disetujui 1/2+1 sian godang ni ruas na ro tu rapoti.

BAB XV

TAMBAHAN

Pasal 27

Angka naasing naporlu siatorun jala naso tarsurat manang diatur dope di Anggaran Dasar on, boi mai diatur muse dibagasan Anggaran Rumah Tangga.

BAB XVI

PENUTUP

Pasal 28

Anggaran Dasar Parsadaan Pomparan Ompunta  Malau Guru diojakhon di Jakarta ditingki  ari Kamis tanggal 15, November 2012

ANGGARAN RUMAH TANGGA

Parsadaan Pomparan

Ompunta Malau Guru

Se-Jabodetabek

Nahumaliangna

ANGGARAN RUMAH TANGGA

BAB I

HAK DOHOT KEWAJIBAN NI RUAS

Pasal 1

Uang Pangkal

1.  Uang pangkal ima sigararon ni ruas sahali ditingki laho masuk gabe ruas ni punguan godangna Rp.100.000 (Seratus ribu rupiah ) setiap kepala rumah tangga,boi doo on dicicil.

2. Godang ni uang pangkal on, boi do muba tergantung tu perkembangan ni keuangan ni parsadaan jala ingkon ditolopi dirapot godang.

3.   Namartugas majalo uang pangkal on, ima bendahara dohot diurupu koordinator wilayah.

Pasal 2

Uang Iuran

1.  Uang iuran ni ruas on marguna ma bahenon laho padalan hon kewajiban ni parsadaan,

jala asa adong songon tagam-disibahenon ni parsadaan.

2.  Uang iuran on ditontuhon rapot godangna Rp.10.000  (Sepuluh ribu rupiah ) ganup rumah tangga/bulan

3. Ganup ruas wajib do manggarar iuran on ganup bulan, alai molo boi do di garar sahali sataon, jala dumenggan do asa unang maos, asa boi mardalan ulaon ni parsadaan dohot denggan.

4.  Namartugas manjalo uang iuran on, ima bendahara dohot diurupi koordinator wilayah.

5. Molo terjadi kekosongan kas ni punguan, kewajiban ni anggota i ma mangalehon pangurupion marhite tok tok ripe hombar tu kemampuan masing – masing anggota.

6. Tu anggota ni punguan (suami dan istri) saboi – boina dohot mangihuthon pertemuan marhite arisan kecuali adong halangan na so boi ditinggalhon.

BAB II

PANGURUPION SIAN PUNGUAN

Pasal 3

HABOT NI ROHA

Ganup ruas na tardaftar namarsitaonon marhak mandapot pangurupion ima:

a.  Ruas na marsahit jala diopname paling saotik 3 (tolu) ari jala dipaboa tu punguan mar hak mandapot bantuan sian punguan godang na Rp.100.000 (Seratus ribu rupiah ),tok tok ripe Rp.10.000 (Sepuluh ribu ) per keluarga

b. Ruas na monding termasuk ama,ina, ianakhon berhak ma mandapot bantuan ima tok tok ripe sian punguan godangna Rp.50.000 ( lima puluh ribu rupiah ) minimal.Jala Rp.500.000 (Lima ratus ribu rupiah) tu namosok manang tu sipanganon,dana on dibutma sian kas ni punguan.

c.Molo natua tua ni ruas manang tanggungan na monding jala dipaboa tu punguan mar hak ma mandapot bantuan sian punguan melalui tok tok ripe godangna Rp.25.000 (Dua puluh lima ribu rupiah) per keluarga.Jala mangan,ima biaya godangna Rp.300.000 (Tolu ratus ribu rupiah ) dibuat dana on sian kas ni punguan.

d. Denggan ma nian laho punguan manopot bagasni namarsitaonon i mangalehon hata pangapulion dalan mamangkulingi .

Pasal 4

LAS NI ROHA

Di ulaon las ni roha, jala molo adong dipasahat undangan tu punguan manang pangurus wajib ma lehonon tu namarulaoni songo partonding na ditoruon:

a.  Anak mangoli jala mangadati pasahat tumpak digedung  ima godangna  Rp.300.000 ( Tolu ratus ribu rupiah )

b. Boru muli jala mangadati mangalehon ulos senilai Rp.300.000 (Tolu ratus ribu rupiah )

c.  Tubu anak manang boru godangna Rp.200.000 (Dua ratus ribu rupiah )

d.Molo mangoli/muli alai dang mangadati holan tumpak ma sian masing masing ruas.

BAB III

ATURAN TAMBAHAN

Pasal 5

Angka na porlu dope siaturon jala dang dope diatur di Anggaran Dasar dohot di Anggaran Rumah Tangga, boi ma muse diaturon dikeputusan rapot pengurus manang rapot tu perubahan Anggaran Dasar dohot Anggaran Rumah Tangga dohot dirapot godang na pinamasa ni parsadaan.

BAB VI

PENUTUP

Pasal 6

Anggaran Dasar dohot Anggaran Rumah Tangga on disah on marhite rapot godang dohot parjolo do dijahahon manang dipabotohon tu ruas na ro dirapoti, jala dung i baru pe disetujui na ro dirapoti.

Ditolophon di        : Jakarta

Ari                          : Kamis

Tanggal                  : 15 November 2012

      Ketua                                        Wakil Ketua                                   Sekretaris

Listen Malau, SE                         dr. Tunggul Malau                       Yachop.H.Malau,SE

  Amani Merry                                  Amani Bukit                                Amani Ricky