Sabtu, 23 Maret 2013



BUKU
TAROMBO MALAU GURU

Ima Na Sinusun
Ni
Amanta Mangara Malau & Natua tuatta


   dr.Tunggul Malau 
             
Listen Malau,SE

Ari, 09 Oktober 2012

NB: Panurat marpangidoan tu hita sude pomparan ni opputta Malau Guru asa marsipatikkosan na laho padengganhon tarombotta sai adong do na lobi hurang disusunan tarombo on rap ma hita patikkoshon.Molo adong kekeliruan digoar manang sundut parjolo ma panurat mangido maaf.
Sai dilehon Tuhanta ma tuhita sude roha dohot gogo manang pingkiran na pototahon taromboon. Sai anggiatma punguantaon gabe sada punguan sitiruon jala bahen sangap goarni Tuhan.
Horasma di hita sasudena


HATA HUHUASI

Mauliate ma di Debata pardenggan basai disiala asi dohot holong ni rohana do humbahen boi sinurathon pustaha Tarombo on sian tingki na denggan dohot las ni roha. Molo tapaihut ihut do perkembangan ni zaman saonari on sian tingki na jolo sahat tu saon nari nunga tung mansai godang parobahan.
Alani i ,sude pomparan omputa Malau Guru pinabotohon manang nadidiape marhuta marhite naung ta susun/tapatota pustaha Tarombo on asa :
-Marsipaidaan asa marsitandaan 
-Marsipaboaan asa marsibotoan
-Marsipatorangan asa marsiantusan
Molo Marsitandaan, Marsibotoan, Marsiantusan jala satahi saoloan mulani na denggan di punguan parsadaan pomparan Malau Guru. Pustaha Tarombo Malau Guru on ma sada bukti nyata hataridaon ni hasadaan ni roha pomparaon  opputta Malau Guru.
Mauliate ma di Debata sinusun pe Pustaha Tarombo on asa Tambah pemahamanta :
1.     Khusus pomparan Malau Guru asa mamboto jati diri ta ,bahwa hita pomparan Malau Guru
2.    Asa unang be adong keragu raguanta
3.    Pustaha Tarombo on ma sada bukti kekeluargaanta sada tali kasih di hita napadomuhon hita di bagasan kebersamaan.
4.    Marsada ni roha ma hita jala marsipasangapan.
a.    Pustaha Tarombo pompran Malau Guru on godang dope na hurang ala ni  I : Nunga godang pomparan Malau Guru di tano parserahan (Pahae, Parlilitan, Barus, Dairi, Sidikalang, Tanah Karo, Simalungun, Boang, Aceh sahat tu Sumatera Timur, dohot di luat na asing dope) ndang hea be mulak tu bona pasogit  sahat tu na marsundut sundut, gabe ndang marsitandaan be, jala ndang marsibotoan be.
b.    Godang do pomparan Malau Guru berpedoman tu hata ninna.

Poda ni na tua tua si jolo jolo tubu :
Na puran tano tano
Rangging marsiranggongan
Badanta be padao dao
Tondita i marsigonggoman

HARAPAN PENULIS

Saudara-Saudari Yang Terkasih,
Salam Sejahtera

- Kami atas nama pengurus parsadaan pomparan   Malau Guru menyampaikan Tarombo sebagai landasan atau pegangan, asal-usul atau jati diri Malau Guru.
- Kami juga menyadari Tarombo ini masih jauh dari sempurna,bagi saudaraku yang ingin memberi masukan atau memb eri kesempurnaan tarombo ini sangatlah kami hargai.
- Kami menyusun Tarombo ini sama sekali tidak bermaksud mengurangi yang baik, hanyalah untuk sekedar panduan yang di dapat dari saudara – saudara kita,orang tua dan kakek kita (opung).
- Semoga melalui Tarombo yang kita buat ini dapat menambah erat tali kasih.
- Kami menyampaikan mohon maaf bila ada kekeliruan,kesalahan nama,kesalahan nomor urut dalam pustaha Tarombo ini ./ Br.Situmorang
( dr.Tunggul Malau/Br.Sihotang - Listen Malau,SE/Br.Situmorang )
      ( Amani  Bukit  )                               (  Amani  Merry  )

Turi turian

Opputta Si Tabu Tabu Mumbang on ala monang dibahen ibana tulang na. marporang dilehon tulangna ma tu ibana :
1.   Tano / Huta didolok sohaliapan buhit pangururan
2.  Harajaon jadi pande upar di buhit
3.  Pangulu Balang
4.  Tahuluk Mas
5.  Ogung si Utte Puraga ima na ditiop ni pinompar na di Ronggur ni huta alai Manik Guru do dibahen nasida Margana disi ma pinoparni Opputta Ompu Rupia.

Opputta si Tabu Tabu Mumbang di oli boru siampudan ni tulangna Raja si Tempang tubu ma anak na di baen ma goarna,, Guru Malau”  ima na gabe marga,, Malau Guru” jala Opputta Malau Guru on 7 (pitu) taon leleng na asa adong anakna dung sorang mandapot anak ibana dibaen ma goarna, Guru Pangaliat”
Guru pangaliat anakna 3 (tolu) ima :
1.     Guru Pertahuluk Mas na marhuta didolok Sohaliapan Buhit Pangururan.
2.    Guru Raja Nionda ima na mamungka huta di Lumban Guru Harianboho jala anakna opputta Amani Dugul marhuta di Tombak Malau Parbuluan Dairi.
3.    Guru Raja Parudan marhuta di Sigarantung atas ni Pittubatu/pinomparna adong marhuta ditamba.
Pinompar ni na tolu Ompuon ma na marga “Malau Guru” marserak ma on tu Desa na Ualu , jala nunga torop ndang marsibotoan manang ndang marsitandaan be, rap marpangidoan ma hita tu Tuhanta Debata sai horas be manang didiape maringanan sai tubu roha holong marsihaholongan jala dapot angka nani luluan gabe nani ula jala sinur angka pinahan ta boi marsijumpaan angka pinompar ni Malau Guru.


HATORANGAN

Tarombo ni Malau Guru on ima na pinature ni amanta raja Leman Jamula Malau (Oppu Herman/ saonari marhuta di desa munai Kec. Pinggir Duri Kab. Bengkalis Riau. Amantaon andorang dingulu ni ompunta si Bondang dituri turi hon jala di patorang do tu ibana tarombo ni Malau Guru na ro sian Rianiate tu Harianboho.

Ditingki penjajahan ni Bolanda pada tahun 1908 di Harianboho di angkat ma ompu Babiat Situmorang gabe raja kepala negeri jala ompputta si Bondangon diangkat menjadi kepala kampung nunga malo ibana hatiha i marhata Bolanda dohot manurat surat latin.
   
Dung mar pinompar Oppu Guru Raja Nionda di Harianboho disuru ibana ma anak na raja amani Onda dohot Opputta amani Dugul mamungka huta tu Parbuluan Dairi laho ma anak na nadua on manombang harangan tu parbuluan ala tarbege marhudarak angka hau nati naba ni nasidai-pintor ro ma torop jolma mamboan hujur ima marga Sinaga dohot marga Situmorang naung jumolo mangingani luat i. Mamereng i mabiar ma nasida mulak ma tu Harianboho jala di paboa ma tu omppuntta Raja Ni Onda martonggo ma Ompuntaon tu mula jadi Nabolon asa di dongani jala diramoti dilehon tawar tu amani Raja Nionda dohot Tu Ompu Tuan Dugul rap borhat ma nasida muse tu parbuluan di tabai nasida harangan ni di pa jonjong sopo sopo di pagalak api dibahen ma goar ni huta i Tombak Malau.

Mamereng adong timus ni api ro ma muse marga Sinaga dohot Situmorang mandapoton nasida,disungkun ma Ompung tai, sian dia jala aha do marga muna? di alusi Ompungta ma denggan,” hamisian Harianboho do, jala marga nami Malau Guru,” naeng mamungka huta hami diluat on,dialusi marga Sinaga dohot Situmorang ma,” tuani ma ro hamu manombang mamungka huta tu luat on asa tamba torop ta. Marsijalangan ma nasida marsi leanan demban (napuran) ma .

Disuani Ompputta on ma gadong dohot jagung jala didok ompputta Raja Ni Onda ma tu Ompputta Tuan Dugul ho ma dison marhuta alapma parumaen dohot pahompui tu Harianboho ahu dohot haham tong ma hami marhuta di Harianboho. Torop ma pinopparni Oputa Tuan Dugul di Parbuluan sahat tu saonari nunga lobi hurang 14 (sapulu opat ) sundut marga Malau Guru marhuta di Parbuluan jala goarni hutai tongtong do goarna Tombak Malau.

Dung torop pinompar ni Amani Raja Nionda di Harianboho dimasa ni haleonpotir oppu Lampak dohot oppu Barnit pinda ma tu Parlilitan, Dairi, Oppu Jaloi pinda tu Parbotihan, Humbang dohot anak na oppu Tanggiang i ma Amang Tanggiang dohot Amang Hulanda sian Parbotihan  pinda muse ma tu Baniara, anakkon ni Amang Hulanda i ma si Botik, si Bikkas dohot si Lassarus mangoli tu si jama Polang, Humbang, si Lassarus pinda tu tombak Malau, Parbuluan mandapothon haha anggi partubuna pinompar ni Oppu Tuan Dugul. dung di masa penjajahan Jepang pinda muse ma tu si Kunihan, Sumbul, Pegagan dohot pinompar ni Tuan Dugul adong pinda tu Jumala tu Tanggiring dohot tu Tumanggor sian ni muse marserak tu desa Naualu. Di masa penjajahan ni Belanda Opputta Amani Jangiang (Oppu Hasman) diangkat Belanda ma on gabe manjaga Pasanggrahan di Hariara Pintu huhut mandor mambahen dalan sian Tele tu Sidikalang.

Jala Oppunta Boru Pane markode kopi/ rumah makan do disi tahun 1935, mate ma Oppunta Boru jala Oppunta Amani Jangiang (Oppu Hasman) mate tahun 1930 di Hariara Pintu. Tanggal 17 Juli 1967 di Lumban Malau Tumpak Raja Pangururan, Samosir marpungu do disi pinompar ni Silau Raja dihadiri natua tua na adong di Pangururan, Samosir dohot di luar Samosir mambahen keputusan bersama pinompar ni Silau Raja, Sionom Ama i ma :
1.     Malau Pase
2.    Malau Lambean
3.    Malau Guru
4.    Manik
5.    Gurning
6.    Ambarita
Songon poto kopi surat terlampir.
Dingolu ni Amanta Lettu Pol. Airut Bonar Malau (Amani. Ir Budiman Malau) semasa bertugas ibana di Muara Sabak, Jambi dohot di Tanjung Batu, Kep. Riau tongtong do didok ibana Malau Guru. Surat ni Amanta Parjumala i ma Guru Immanuel Malau dohot Guru Epaem Malau (Oppu. Zonson) dohot tarombo ni pomparan ni Oppu Tuan Dugul dikirim tu Amanta A.W Malau (Ama Sinur) Jl. Matahari 4 No. 235 blok 6 Perumnas Helvetia, Medan didok disi tona ni natua tuanta di tonahon tu hami Malau Guru. Tarombo na di patomu tomu ni Amanta Raja Leman Jamula (Oppu Herman) on godang do na lobi hurang, tarlumobi di angka sundut, Amanta on dohot penulis mangido saran dohot petunjuk tu hita sude pomparan ni Malau Guru marsipaturean hita asa tamba tu dengganna susunan ni tarombota on i ma pomparan ni Malau Guru.

Tahun 1957 Janse Mariden Malau martugas ma ibana di Padang, Sumatera Barat, MOBBRIG tong dohot dibahen ibana marga na Malau Guru nang pinompar na pe di tonahon do saonari Amanta on marhuta di Kota Pinang Rantau Prapat. Tahun 1963, Mangara Malau (Oppu Hezekia) ditugashon Brimob Yon 619 Pekan Baru, Riau tong tong do hot Marga Malau Guru nang tu angka pinomparna pe pinodahon do asa hot tong dibahen marga na i ma Malau Guru. Tahun1992 Ir. Budiman Malau sekeluarga ro sian Medan laho mulak tu Bandung singga mandapothon Mangara Malau  tu Pekan Baru dipatorang ibana sude perubahan na binahen ni Amang Uda na Letkol. Pol. Apul Jasman Malau didok ma sejak tahun 1947 nunga hutanda Bapam (Bonar Malau) masa porang kemerdekaan Bapam Sersan II Polisi Militer manjaga jemabatan Laerondam di Sidikalang mangkatai ibana dohot Opung mu Paian Justin Malau Oppu Indra Juniandi hot do nasida Marga Malau Guru , di alusi si Ir. Budiman Malau, didok ma Bapam tu ahu hot do Malau Guru, sude disurat ijazah hu goarna dibahen Ir. Budiman Malau Guru pintor ditongos Penasehat do surat tu Letkol. Pol. Apul Jasman Malau pada saat I ibana manjabat Komandan Provost Poldasu isi ni surat i asa dibahen parpunguan / pertemuan Marpangidoan tu hita sude pomparan ni Oppuntta Malau Guru asa sada hita laho pandengganhon tarombota, sai adong do na lobi hurang di susunan ni tarombo on rap patingkoshon ma hita molo adong na hurang / kekeliruan di susunan manang di angka sundut parjolo panurat/penulis mangido maaf sai dilehon Tuhanta ma to hita sude roha dohot gogo nang pikiran napatotahon tarombo ta on.

      Poda ni na tua-tua Sijolo jolo tubu :
Ompu rajai jolo martukkot si alagundi
Angka nauli pinukka ni akka oputta parjolo
Sihuttonon ni hita na parpudi

Bona ni Aek Puli Dolok Sitapongan
Sai Tubu ma Dihita Angka Nauli,Jala sai dapot Pansamotan.

Horasma …..
Mauliate dihita .


Publisher : dr.Tunggul Malau & Listen Malau,SE

2 komentar:

  1. Malau Nasian huta lumban guru...Didok guru Alana datu Bolon ompung I, (bahasa halus) Guru.....! Malau Gurning do I... Anakni A. W. Malau. (Aman SinurMalau).Helvetia Medan.

    BalasHapus
  2. Ido Toho doi... Menurut cerita ni oppung ku Panggoaran OP. Norman Malau ( goarni oppung ku Jonathan. (Alias A Kader. )
    Parhuta Malau Tonga.

    BalasHapus